▫️ Mirobod tumanida "Payshanba — Yoshlar kuni" munosabati bilan 110-sonli IDUMda ma’naviy-ma’rifiy tadbir tashkil etildi.

Tadbirda Mirobod tumani hokimining o‘rinbosari Saidrasul Saidxanov ishtirok etib, yoshlar bilan ochiq muloqot qildi. Uchrashuv davomida yoshlarning fikr va takliflari tinglanib, ularni qo‘llab-quvvatlash, ta’lim, sport va kelajak rejalari haqida suhbat olib borildi.

Shuningdek, tumanda sport sohasida yutuqlarga erishgan faol yoshlar taqdirlanib, ularga esdalik sovg‘alari topshirildi. Bu e’tirof yoshlarni yanada yuqori natijalarga intilishga undashi ta’kidlandi.

Tadbir qiziqarli savol-javoblar, samimiy muloqot va ko‘tarinki kayfiyatda o‘tdi. Yoshlar uchun tashkil etilgan mazkur uchrashuv ularning faolligi va tashabbuskorligini yanada oshirishga xizmat qildi.