▫️ Миробод туманида «Пайшанба — Ёшлар куни» муносабати билан 110-сонли ИДУМда маънавий-маърифий тадбир ташкил этилди.

Тадбирда Миробод тумани ҳокимининг ўринбосари Саидрасул Саидханов иштирок этиб, ёшлар билан очиқ мулоқот қилди. Учрашув давомида ёшларнинг фикр ва таклифлари тингланиб, уларни қўллаб-қувватлаш, таълим, спорт ва келажак режалари ҳақида суҳбат олиб борилди.

Шунингдек, туманда спорт соҳасида ютуқларга эришган фаол ёшлар тақдирланиб, уларга эсдалик совғалари топширилди. Бу эътироф ёшларни янада юқори натижаларга интилишга ундаши таъкидланди.

Тадбир қизиқарли савол-жавоблар, самимий мулоқот ва кўтаринки кайфиятда ўтди. Ёшлар учун ташкил этилган мазкур учрашув уларнинг фаоллиги ва ташаббускорлигини янада оширишга хизмат қилди.