Миробод тумани — пойтахтнинг маʼмурий-ҳудудий бирлиги. У шаҳарнинг жанубида жойлашган. Ҳозирги (2009) майдони 2858 га, аҳолиси 122,8 минг киши. Туман 1929 йилда Ленинский номи билан тузилган. 1992-йил 8-майда Миробод номини олди. Миробод тумани шимолдан Юнусобод тумани, шимоли-ғарбдан Яккасарой тумани, жануби-ғарбдан Сергели тумани, жанубдан Бектемир тумани, шарқдан Яшнобод тумани билан чегарадош. Миробод туманида Алишер Навоий номидаги Катта театр, Ўзбекистон рус драма театри, иккита маҳалла фуқаролар йиғини, Фурқат номидаги маданият ва истироҳат боғи, етти кутубхона, 17 умумта’лим мактаби, иккита мусиқа мактаби, учта спорт мактаби, учта академик литсей, саккизта олий ўқув юрти фаолият кўрсатмоқда.