«Темирюлчилар» ва «Биродарлик» маҳаллаларида ободонлаштириш ишлари бўйича аниқ вазифалар белгиланди

Миробод туманида ҳудудларни ободонлаштириш, санитария ҳолатини яхшилаш ва аҳоли учун муносиб яшаш шароитларини яратиш борасидаги ишлар изчил давом эттирилмоқда.

Хусусан, эрталаб «Темирюлчилар» ва «Биродарлик» маҳаллаларида амалга ошириладиган ободонлаштириш ишларига бағишланган саф йиғини ўтказилди.

Унда туман ҳокими ўринбосари Фарҳод Нажмиддинов, маҳалла «еттилиги», коммунал соҳа раҳбарлари, масъул ташкилотлар ва жамоатчилик вакиллари иштирок этди.

Йиғин давомида маҳаллаларнинг санитария ҳолатини яхшилаш, йўл ёқаларини тартибга келтириш, чиқиндиларни олиб чиқиш, ноқонуний қурилмаларни бартараф этиш бўйича топшириқлар берилди.